ಸಾಂತ್ ಅಂತೊನ್ ಫಿರ್ಗಜ್ - ಅಲ್ಲಿಪಾದೆ

ಅಲ್ಲಿಪಾದೆ ಫಿರ್ಗಜೆಂತ್ ದೊಡ್ತೊ ಸಂಭ್ರಮ್ :

ಭುರ್ಗ್ಯಾಂಚೊ ದಿವಸ್ ಆನಿ ಕ್ರೀಸ್ತಾಂವ್ ಶಿಕ್ಷಣ್ ಶಿಕ್ಷಕಾಂಚೊ ದಿವಸ್ - 2024 

ನವೆಂಬರ್ 17 , 2024 ಆಯ್ತಾರಾ  ಸಕಾಳಿಂ 07:30 ವೊರಾರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ತ್ಯಾ ದಿಸಾಚಿ ದೇವ್ ಸ್ತುತಿ ಕ್ರೀಸ್ತಾಂವ್ ಶಿಕ್ಷಣ್ ಶಿಕ್ಷಕಾಂನಿ ಚಲವ್ನ್ ವೆಲಿ. ಮಿಸಾ ಉಪ್ರಾಂತ್ ಸರ್ವ್ ಭುರ್ಗ್ಯಾಂಕ್ ಪವಿತ್ರ್ ಬೈಬಲ್ ಆನಿ ಸಾಂತಾಚಿ ಜಿಣ್ಯೆಚೆ ಬೂಕ್ ಉಗ್ಡಾಸಾಚಿ  ಕಾಣಿಕ್ ಜಾವ್ನ್ ದಿಲಿ.

ಜುಸ್ತ್ 8.30 ವೊರಾರ್ ಸೌಹರ್ದ ಸಭಾಭವನಾಂತ್ ಹ್ಯಾ ದೊಡ್ತ್ಯಾ ಸಂಭ್ರಮಾಚಿ ಸುರ್ವಾತ್ ಜಾಲಿ. ಸಾಂಸ್ಕ್ರತಿಕ್ ಕಾರ್ಯೆಂ ತಶೆಂಚ್ ಕ್ರಿಸ್ತಾಂವ್ ಶಿಕ್ಷಣ್ ಮಧ್ಯಾವಧಿ ಪರೀಕ್ಷೆಚೆಂ ಬಹುಮಾನ್ ವಿತರಣ್ ಕಾರ್ಯೆಂ ಆಸಾ ಕೆಲ್ಲೆಂ.

ಭುರ್ಗ್ಯಾಂಚ್ಯಾ ದಿಸಾ ಖಾತಿರ್ ಪಿಂತುರ್ ಸೊಡಂವ್ಚೆಂ, ಜಿವಿತಾಚೆಂ ಉತರ್ ಬರಂವ್ಚೆಂ ಆನಿಂ ಬಯ್ಬಲ್ ಮಾದರಿ ಕರ್ಚೆ ವಿವಿಧ್ ಸ್ಪರ್ಧೆ ಮಾoಡುನ್ ಹಾಡ್ಲೆ ಆನಿ ಜಿಕ್ಲೆಲ್ಯಾoಕ್ ಬಹುಮಾನ್ ವಿತರಣ್ ಕೆಲೆಂ.

ಹ್ಯಾ ಕಾರ್ಯಾತ್ ಫಿರ್ಗಜೆಚೆ ವಿಗಾರ್ ಮಾ|ಬಾ|ರೊಬರ್ಟ್ ಡಿಸೋಜಾ, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ನವೀನ್ ಮೊರಾಸ್, ಕಾರ್ಯದರ್ಶಿ ಕಿರಣ್ ನೊರೊನ್ಹಾ, ಕ್ಲೂನಿ ಕಾನ್ವೆಂಟ್ ಸುಪೀರಿಯರ್ ಸಿಸ್ಟರ್ ನರ್ಸಿಜಾ, ಬ್ರದರ್ ಅಜಯ್ ಡಿಸೋಜಾ, ಆಯೋಗಾಂಚೊ ಸoಯೊಜಕ್ ಜೋನ್ ವಾಲ್ಡರ್, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕಿ ರೆನ್ನಿ ಫೆರ್ನಾಂಡಿಸ್, ಕ್ರೀಸ್ತಾoವ್ ಶಿಕ್ಷಣಾಚಿ ಸoಯೊಜಕಿ ದೀಪ್ತಿ ಡಿಸೋಜಾ, ಫಿರ್ಗಜೆಚಿo ಸರ್ವ್ ಭುರ್ಗಿ ಆನಿ ಶಿಕ್ಷಕಾo ಹಾಜರ್ ಆಸ್ ಲ್ಲಿಂ.

ಸರ್ವ್ ಕಾರ್ಯೆಂ ಕಾಫಿ - ಫಳಾರಾ ಸವೆಂ ಆಖೆರ್ ಜಾಲೆಂ.