PARISH HISTORY


ಅಲ್ಲಿಪಾದೆ ಸಾಂತ್ ಅಂತೊನ್ ಫಿರ್ಗಜೆಚಿ 86 ವರ್ಸಾಂಚಿ ಚರಿತ್ರಾ...

ತೆನ್ಕಾ ಕುಶಿನ್ ಮದುರ್ ನಾದಾನ್ ವಾಳ್ಚ್ಯಾ ನೇತ್ರಾವತಿ ನೈಂಚಾ ತಡಿಚಿ ಮನ್ ಸಿಸ್ವೊಂಚಿ ಸೊಭಾಯ್, ಮುಡ್ಲಾ, ಬಡ್ಗಾ ಆನಿ ಪಡ್ಲಾ ಕುಶಿನಿಂ ಭೌಗೋಳಿಕ್ ಥರಾನ್ ಉಬಾರ್ ತಪ್ಕಾಟ್, ದೊಂಗೊರ್, ಪಾಲ್ಕಿಂ, ರಾನಾಂ, ಗುಡ್ಯಾಂಚಾ ಪ್ರಾಕೃತಿಕ್ ಸೊಬಾಯೆ ಸಂಗಿಂ ಮಾಡ್, ಮಾಡಿಯೆಂಚಿ ತೊಟಾಂ, ಬಾಟಾಂ ಬಾತಾಂಚಾ ಶೆತಾಂಚಿ ಅಪುರ್ಬಾಯ್ ಮೆಳೊನ್ 6 ಗ್ರಾಮಾನಿಂ ವಿಸ್ತಾರೊನ್ ಪರ್ಜಳ್ತಾ ಸಾಂತ್ ಅಂತೊನಿಕ್ ಸಮರ್ಪುನ್ ದಿಲ್ಲಿಂ ಆಮ್ಚಿಂ ಅಲ್ಲಿಪಾದೆ ಫಿರ್ಗಜ್.

ವಿವಿಧ್ ಧರ್ಮಾಂಚೊ ಲೋಕ್ ವಸ್ತಿ ಕರ್ನ್ ಆಸ್ಚ್ಯಾ ಹ್ಯಾ ಗಾಂವಾಂತ್ ಸುಮಾರ್ ಆಯ್ಶಿಂ ಆನಿ ಪಾಂಚ್ ವರ್ಸಾಂಚಿ ಚರಿತ್ರಾ ಆಟಾಪ್ಲೆಲಿ ಹಿಂ ಫಿರ್ಗಜ್ ಹಾಂಗಾಸರ್ ಕಿರ್ಲೊನ್, ಫಾಂಟೆವ್ನ್, ವ್ಹಡ್ ಜಯ್ತ್ ರೂಕ್ ಜಾವ್ನ್ ಸೊಭ್ತಾ. ಆನಿ ಅತಾಂ ಪ್ರಸ್ತುತ್ ನವೆಂ ರೂಪ್ ಆನಿ ಸೊಭಾಯ್ ಘೆವ್ನ್ ಉಭೆಂ ಜಾಲ್ಲೆಂ ಹೆಂ ದೇವ್ ಮಂದಿರ್ ದೆಖ್ತಾನಾ ನಿಜಾಯ್ಕಿ ಸಾಂ. ಅಂತೊನಿಚೆಂ ಚೊವ್ದಾವೆಂ ಅಜಾಪ್ ಹಾಂಗಾಸರ್ ಘಡ್ಲಾಂ ಮ್ಹಣ್ ಆಮ್ಕಾಂ ಭೊಗ್ತಾ.

ಪುರ್ವಿಲಿಂ ಚರಿತ್ರಾ 

ಅಲ್ಲಿಪಾದೆ ಫಿರ್ಗಜ್ ಆದಿಂ ಆಗ್ರಾರ್ ಫಿರ್ಗಜೆಚೊ ಏಕ್ ವಾಚಿಟೊ ಜಾವ್ನಾಸ್‌ಲ್ಲಿ, ಆತ್ಮೀಕ್ ಗರ್ಜಾಂ ಖಾತಿರ್ ಭಾವಾಡ್ತಿ ಲೋಕ್ ರಾನಾಂ, ಪಾಲ್ಕ್ಯಾಂ ಆನಿ ಬಯ್ಲಾನಿಂ 10-12 ಮೈಲಾಂ ಪಾಂಯ್ ವಾಟೆನ್ ಚಲೊನ್ ಅಗ್ರಾರ್ ವೆತಾಲೊ.

ಆಗ್ರಾರ್‌ಚೊ ವಿಗಾರ್ ಬಾ|ರೆಜಿನಾಲ್ಡ್ ಪಿಂಟೊ ಅಸ್ತಾನಾ 1927 ಇಸ್ವೆಂತ್‌ ಅಲ್ಲಿಪಾದೆಂತ್‌ ಇಸ್ಕೊಲ್ ಬಾಂದ್ಲೆ ಆನಿ ಹಾಂಗಾಚಾ ಲೊಕಾ ಖಾತಿರ್‌ ಇಸ್ಕಾಲಾಂತ್ ಮೀಸ್ ಸಾಂಗೊಂಕ್‌ ಆರಂಭ್ ಕೆಲೆಂ. ಹಾಂಗಾಸರ್ ಮೊರ್ನ್ ಪಾವುಲ್ಳ್ಯಾಂಕ್ ಮಾತ್ಯೆಕ್ ಲಾಂವ್ಕ್ ಸಿಮೆಸ್ತ್ರ್ ಕೆಲಿ. 1938 ಸಪ್ಟೆಂಬರ್ 5 ವೆರ್ ತವಳ್ಚೊ ಭಿಸ್ಪ್ ಅ|ಮಾ|ದೊ|ವಿಕ್ಟರ್ ಫೆರ್ನಾಂಡಿಸ್ ಹಾಣಿಂ ಅಲ್ಲಿಪಾದೆಂತ್ ಸಾಂ.ಅಂತೋನಿಚಿ ಫಿರ್ಗಜ್ ಸ್ಥಾಪನ್ ಕೆಲಿ. ಅಗ್ರಾರ್ ಫಿರ್ಗಜೆಚೊ ವಿಗಾರ್ ಬಾ|ಪಿ.ಜಿ.ಡಿ.ರೇಗೋ ಹಾಂಗಾಸರ್‌ ಯೇವ್ನ್ ಮೀಸ್ ಭೆಟಯ್ತೆಲೆಂ.


ಬಾ|ಲೂವಿಸ್ ಫುಡ್ತಾದೊ [16.3.1939  -  20.02.1947] 

ಫಿರ್ಗಜೆಚೊ ಪಯ್ಲೊ ವಿಗಾರ್ ರಾವುಂಕ್ ಫಾವೊತೆಂ ವಸ್ತಿ ಘರ್ ನಾತ್‌ಲ್ಲೆಂ ವರ್ವಿಂ ಇಸ್ಕೊಲಾಂತ್ ರಾವ್ತಾಲೊ. ಲೊಕಾಚಾ ಆತ್ಮಿಕ್ ಗರ್ಜಾ ಖಾತಿರ್ ಆನಿ ಮೀಸ್ ಭೆಟಂವ್ಕ್ ಲ್ಹಾನ್ ಗೊಂವೊಳ್ ಭಾಂದುನ್ ಅತ್ಮಿಕ್ ವಾವ್ರ್ ಕರ‍್ತಲೊ.  ನವ್ಯಾ ದೇವ್‌ತೆಂಪ್ಲಾಚಿ ಗರ್ಜ್ ಅಸ್‌ಲ್ಳ್ಯಾಂನ್, ಯೋಜನ್ ಕರ್ನ್ ಗರ್ಜೆಚಿ ಸಾಹೆತ್ ತಯಾರ್ ಕರ್ನ್  ದವರ್ಲೆಂ. ಲೊಕಾ ಸಾಂಗಾತಾ ಜಿಯೆವ್ನ್ 8 ವರ್ಸಾಚಿ ನಿಸ್ವಾರ್ಥಿ ಸೆವಾ ಭೆಟಯ್ಲಿಂ.


ಬಾ| ಗಿಲ್ಬರ್ಟ್ ಪಿಂಟೊ [20.02.1947  -  25.05.1967] 

ಅಪ್ಲ್ಯಾ 20 ವರ್ಸಾಚಾ ಸೆವೆಚಾ ಆವ್ದಿಂತ್ ಫಿರ್ಗಜೆಕ್ ನವಿಂ ದಿಶಾ ದಿಲ್ಲೊ ವಿಗಾರ್. ಅಪ್ಲ್ಯಾ ಸೆವೆಚಾ ಮಿಸಾಂವಾಂತ್ ಲೊಕಾಕ್ ಸಾಂಗಾತಾ ಹಾಡ್ನ್ ಸೆವಾ, ಸರ್ತೆ ಮುಖಾಂತ್ರ್ ಇಗರ್ಜ್ ಆನಿ ಯಾಜಕಾಚೆಂ ನವೆಂ ವಸ್ತೆಂ ಘರ್ ತಾಣಿಂ ಉಬರ‍್ಲೆಂ. ಹ್ಯಾ ಯೋಜನಾ ಪಾಟ್ಲ್ಯಾನ್ ಕಷ್ಟಾಂನಿ ಸರ್ವ್ ಸಾಹೆತ್ ಆನಿ ಆರ್ಥಿಕ್ ಕುಮೊಕ್ ಎಕ್ಟಾಂಯ್ ಕರುಂಕ್ ಖಳ್ಮಿತ್ ನಾತ್ಲೊ ವಾವ್ರ್ ಭೆಟಯ್ಲಾಂ. ತಾಲೆಂತ್‌ವಂತ್ ಯಾಜಕ್ ಜಾವ್ನ್ ನಾಟಕ್, ಪದಾಂ ಬರವ್ನ್ ಲೊಕಾಚಿ ಮನಾಂ ತಾಣಿಂ ಜಿಕ್ಳ್ಯಾಂತ್.


ಬಾ| ಮೈಕಲ್ ಪಿರೇರಾ  [25.05.1967 – 30.05.1979] 

ದುರ್ಬಳ್ಯಾಂಚೊ ಮೋಗ್ ಆನಿ ಹುಸ್ಕೊ ಅಸುನ್ ಲೊಕಾಕ್ ಸಾರ್ಕೆಂ ಜೆಂವ್ಕ್ ನಾತ್‌ಲ್ಲ್ಯಾ ಕಾಳಾರ್ ಅಲ್ಲಿಪಾದೆಚ್ಯಾ ಸರ್ವ್ ಜಾತಿ-ಕಾತಿಂಚ್ಯಾ ಲೊಕಾಕ್ ಗೋಂವ್ ವಾಂಟುನ್ ತಾಣಿಂ ಭುಕ್ ತಾಂಭಯ್ಲಿ. ಫಿರ್ಗಜೆಚಿ ಆರ್ಥಿಕ್ ಸ್ಥಿತಿ ಸುದ್ರೊಂವ್ಚ್ಯಾ ಇರಾದ್ಯಾನ್ ಆದಾಯಾ ಖಾತಿರ್ ಅಂಗ್ಡಿಚೆಂ  ಬಾಂದಪ್ ಬಾಂದ್ಲೆ. ಇಗರ್ಜ್ ನವೀಕರಣ್ ಕರುನ್ ಸಾಂತಾಂಚೊ ಇಮಾಜ್ಯೊ ದರ‍್ಲ್ಯೊ. ಕೃಷೆಂತ್ ವಿಶೇಷ್ ಆಸಕ್ತ್ ಅಸ್‌ಲ್ಲೆಂ ವರ್ವಿಂ ಜಾಗೆ ಮೊಲಾಕ್ ಘೆವ್ನ್ ತಾಂತುನ್ ಮಾಡ್ ಲಾಯ್ಲೆ. ಲೊಕಾಚ್ಯಾ ಅತ್ಮಿಕ್ ಗರ್ಜಾಂಕ್ ಚಡ್ ಕರುನ್ ಪಾವ್ತಾಲೆಂ, ತೇರ್ಸಾಚೆ ಭಕ್ತಿಪಣ್ ಕುಟ್ಮಾನಿಂ ಚಡೊಂವ್ಕ್ ಕಾರಣ್ ಜಾಲೆ. 


ಬಾ| ವಿಲಿಯಂ ಫೆರ್ನಾಂಡಿಸ್ [30.05.1979 – 05-05-1981] 

ಬಾ|ವಿಲಿಯಂ ಶಿಸ್ತೆಚೆ ಆನಿ ಉತ್ತೀಮ್ ಪ್ರಸಂಗ್‌ದಾದ್ ತೆಂ ಜಾವ್ನಾಸ್‌ಲ್ಲೆಂ. ಭುರ್ಗ್ಯಾಂ ಥಂಯ್ ವಿಶೇಷ್ ಮೋಗ್ ಅಸುನ್, ಭುರ್ಗ್ಯಾಂಚ್ಯಾ ಶಿಕ್ಪಾ ಆನಿ ಫುಡಾರಾಂ ಖಾತಿರ್ ಪ್ರೋತ್ಸಾಹ್ ದಿತಲೆಂ. ದೇವ್‌ಸ್ತುತಿ ಕ್ರಿಯಾಳ್ ಕರುನ್, ಫಿರ್ಗಜೆಚೆಂ ಸಂಘ್ ಸಂಸ್ಥೆ ಜಿವಾಳ್ ದವರುನ್ ನಿಸ್ವಾರ್ಥಿ ವಾವ್ರ್ ತಾಣಿಂ ಭೆಟಯ್ಲಾಂ. 


ಬಾ| ಮಾರ್ಕ್ ವೇಗಸ್ [05.05.1981-31.05.1983] 

ಬಾ| ಮಾರ್ಕ್ ಊಂಚ್ಲ್ಯಾ ಚಿಂತ್ಪಾಚೆ ಯಾಜಕ್ ಜಾವ್ನಾಸುನ್ ಫಿರ್ಗಜೆಚ್ಯಾ ಸರ್ವ್ ಯುವಜಣಾಂಕ್ ಎಕ್ವಟಿತ್ ಕರುನ್, ಕಾರ್ಯಕ್ರಮಾಂ ಮಾಂಡುನ್ ಹಾಡ್ಲಿಂ. ಅಲ್ಲಿಪಾದೆ ಇಗರ್ಜೆಕ್, ಆನಿ  ಸಗ್ಲ್ಯಾ ಗವಾಂಕ್  ವೀಜ್ ಸಕತ್ ಹಾಡಯ್ಲಿಂ ಕೀರ್ತ್ ತಾಂಕಾಂ ಫಾವೊ ಜಾತಾ. ಇಗರ್ಜೆಕ್ ಧ್ವನಿವರ್ಧಕ್, ಇಸ್ಕೊಲಾಕ್ ಮೈದಾನ್, ದೇವ್‌ಸ್ತುತೆಂತ್ ಬದ್ಲಾವಣ್ ಹಾಡುಂಕ್ ಪಾವ್ಲೆ. ಫಿರ್ಗಜ್‌ಗಾರಾಂಚಿ ಗರ್ಜ್ ಸಮ್ಜೊನ್, ಸಾಮೂಹಿಕ್ ಕಾಜಾರಾಂ ಮಾಂಡುನ್ ಹಾಡ್ಲಿಂ. ಲೊಕಾಂಚ್ಯಾ ಗರ್ಜೆಂತ್ ಪಾವೊನ್, ಅತ್ಮಿಕ್ ಥರಾನ್ ಫಿರ್ಗಜ್ ಜಿವಾಳ್ ದವರುಂಕ್ ವಾವ್ರ್ ಭೆಟಯ್ಲಾಂ. 


ಬಾ|ಇಗ್ನೇಶಿಯಸ್ ಡಿಸೋಜಾ [31.05.1983 10.05.1986]

ಬಾ| ಇಗ್ನೇಶಿಯಸ್ ಭೋವ್ ಸಾದೆಂ ಆನಿ ಮಯ್ಪಾಸಿ ಯಾಜಕ್. ಫಿರ್ಗಜ್ ಜಿವಾಳ್ ದರ‍್ಲೊ ವಾವ್ರ್ ಮುಂದಾರುನ್ ವೆಲೊ. ಸಾಮೂಹಿಕ್ ಕಾಜಾರಾಂ ಹೆಂ ಚಿಂತಾಪ್ ಮುಂದಾರ್ಸುನ್ ವೆಲೆಂ. ಉದ್ಕಾಚೆಂ ಸಮಸ್ಯೆ ಪಯ್ಸ್ ಕರುಂಕ್ ಬೋರ್‌ವೆಲ್ ಕಾಡ್ನ್ ಇಗರ್ಜೆಕ್ ಉದ್ಕಾಚೊ ಆಧಾರ್ ದಿಲೊ. 


ಬಾ|ಅಲ್ಬನ್‌ಡಿಸೋಜಾ [10.05.1986 22.05.1993] 

ಫಿರ್ಗಜೆಂತ್ ಲೊಕಾಚ್ಯಾ ಬರೆಂಪಣಾ ಖಾತಿರ್ ಯೋಜನಾಂ ಮಾಂಡುನ್ ಹಾಡ್ಲಿಂ. ಅಪ್ಲ್ಯಾ ಮಿಸಾಂವ್ ವಾವ್ರಾಂತ್ ಸರ್ವಧರ್ಮಾಚ್ಯಾ ಲೊಕಾಕ್ ಉದ್ಕಾಚಿ ವ್ಯವಸ್ಥಾ ಕರ್ನ್ ದಿಲಿಂ. ಇಗರ್ಜೆಕ್ ಮಜ್ಭೂತ್ ಘಂಟಿ ಥೋರ್ ಬಾಂದ್ಲಿ. ತಾಂಚ್ಯಾ ಮುಖೇಲ್ಪಣಾಣ್ ಸಿ.ಒ.ಡಿ.ಪಿ. ಮುಖಾಂತ್ರ್ ಭುರ್ಗ್ಯಾಂಕ್  ಕುಮೊಕ್ ಮೆಳಾಶೆಂ ಕರುಂಕ್ ತಾಂಕಾ ಆಧಾರ್ ದಿಲೊ. ಫಾದರ್ ಮುಲ್ಲರ್ ಆಸ್ಪತ್ರೆ ಮುಖಾಂತ್ರ್ ಸಬಾರ್ ಭಲಾಯ್ಕೆ ಶಿಬಿರ್ ಅಸಾ ಕರುನ್ ದುಬ್ಲ್ಯಾ  ಲೊಕಾಕ್ ಕುಮೊಕ್ ಕೆಲೆಂ. ಫಿರ್ಗಜ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಆರಂಭ್ ಕರ್ನ್ ಸಾತ್ ವಾಡ್ಯಾಂತ್ ಜಮಾತ್ ಜಿವಾಳ್ ಕರುಂಕ್ ಸಾಧನ್ ಕೆಲೆಂ. ಫಿರ್ಗಜೆಂತ್ ಸಾತ್ ವರ್ಸಾಂಚಾ ಸೆವೆಂತ್, ಅತ್ಮಿಕ್ ಆನಿ ಲೌಕಿಕ್ ವಾಡಾವಳಿಂತ್ ಬರೆಂಪಣ್ ದಿಸೊನ್ ಆಯ್ಲೆಂ.


ಬಾ|ಹೆನ್ರಿ ಸಿಕ್ವೇರಾ [22.05.1993 15.09.1994]

ಬಾ| ಹೆನ್ರಿ ಫಿರ್ಗಜೆಂತ್ ಮೀಸ್ ಆನಿ ದೇವ್‌ಸ್ತುತಿ ಕ್ರಿಯಾಳ್ ಕರುನ್ ದುಬ್ಲ್ಯಾ ಗರ್ಜೆವಂತಾಂಕ್ ಸೊಧುನ್ ಕಾಡ್ನ್ ಆರ್ಥಿಕ್ ಕುಮೊಕ್ ಕರುನ್ ತಾಂಕಾಂ ಆಧಾರ್ ದಿಲೊ. ಭುರ್ಗ್ಯಾಂಚ್ಲ್ಯಾ  ಶಿಕ್ಪಾ ಥಂಯ್ ವಿಶೇಷ್ ಹುಸ್ಕೊ ಅಸುನ್, ತಾಂಕಾಂ ಪ್ರೋತ್ಸಾಹ್ ಆನಿ ಆರ್ಥಿಕ್ ರಿತಿನಿ ಕುಮೊಕ್ ದೀವ್ನ್ ವಾಟ್ ದಾಕಯ್ಲಿ. ಮೊಟ್ವ್ಯಾ  ಸೆವೆಚಾ ಅವ್ದೆಂತ್ ಲೊಕಾಕ್ ಮೊಗಾಚೆ ತೆಂ ಜಾಲೆಂ.


ಬಾ|ಅಲೆಕ್ಸಾಂಡರ್ ಲೋಬೋ  [15.09.1994-26.05.2002] 

ರ‍್ಯಾಕಾಮಾಕ್ ಘಳಾಯ್ ಕರಿನಾಯೆ” ಮ್ಹಳ್ಳ್ಯಾ  ಧ್ಯೇಯಖಾಲ್ ಸೆವೆಚೊ ವಾವ್ರ್ ಆರಂಭ್ ಕೆಲೊ. ಫಿರ್ಗಜ್ ಹಂತಾರ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ತರ್ಬೇತಿ ಪಂಗಡ್ ಅಸಾ ಕರ್ನ್ ತಾಂಕಾಂ ನಿರಂತರಿ ತರ್ಬೇತಿ ದೀವ್ನ್ ಸಮುದಾಯೆಚ್ಯಾ ವಾವ್ರಾಕ್ ನವೆಂ ರೂಪ್ ದಿಲೆಂ. ಶಿಕ್ಷಣಾಂಕ್ ವಿಶೇಷ್ ಮಹತ್ವ್ ದೀವ್ನ್ ಇಸ್ಕೊಲಾಕ್ ಸವಲತ್ಯೊ, ವಿಸ್ತಾರ್ ಖೆಳಾ ಮೈದಾನ್, ಕಂಪ್ಯೂಟರ್ ಕೇಂದ್ರ್, ಶೌಚಾಲಯ್ ಅಸಾ ಕರುನ್ ವಿದ್ಯಾಸಂಸ್ಥಾ ಥಂಯ್ ವಿಶೇಷ್ ಹುಸ್ಕೊ ದಾಕಯ್ಲೊಂ.. ಫಿರ್ಗಜೆಂತ್ ಸೆವಾ ಭೆಟಂಚ್ಯಾಂಕ್  ಸಿಸ್ಟರ್ಸ್  ಆಫ್ ಸೈಂಟ್ ಜೋಸೆಫ್ ಆಫ್ ಕ್ಲೂನಿ ಮೆಳಾಚ್ಯಾ ಧಾರ್ಮಿಕ್ ಭಯ್ಣಿಂಕ್ ಅಪೊವ್ಣ್ ಹೈಸ್ಕೂಲ್ ಆರಂಭ್ ಕರ್ನ್  ತೆಂ ಕೊವೆಂತಾಚ್ಯಾ ಆಡಳ್ತೆಕ್ ದಿಲೆಂ. ಇಗರ್ಜ್ ನವೀಕರಣ್ ಕರುನ್ ವಾವ್ರ್ ಭೆಟಯ್ಲೊ. ದೇವ್‌ಸ್ತುತೆ ಥಂಯ್ ಚಡ್ ಗಮನ್ ದೀವ್ನ್, ಅತ್ಮಿಕ್ ರಿತಿನಿಂ ಲೊಕಾಕ್ ಸಾಂಗಾತಾ ಹಾಡ್ಲೆಂ.

ಅಮಾಲ್ ಪಿವೊವ್ನ್ಯಾಂ ವರ್ವಿಂ ಕುಟ್ಮಾಚಿಂ ದೆಸ್ವಾಟ್ ತಶೆಂಚ್ ಕುಟ್ಮಾಚ್ಯಾ ಕಾರ್ಯಾಂನಿ ಅಮಾಲ್ ಪೀವನ್ ವಾಂಟ್ಚ್ಯಾ ವರ್ವಿಂ ಕಾರ್ಯಾಚೊ ಆನಿ ದುಡ್ವಾಚೊ ವಿಭಾಡ್ ಆಡಂವ್ಚ್ಯಾ ಇರಾದ್ಯಾನ್ ಅಮಾಲ್ ಪಿವೊವ್ನ್ಯಾಂ ವಿರೋಧ್ ಜಾಗೃತಿ ಫಿರ್ಗಜೆಂತ್ ಹಾಡ್ಲಿಂ.


ಬಾ|ಲಾರೆನ್ಸ್ ಮಸ್ಕರೇನ್ಹಸ್ [26.5.2002 – 30.05.2010]

ಬಾ|ಲಾರೆನ್ಸ್ದೆಣ್ಯಾನಿಂ ರ‍್ಲಲೆಂಯಾಜಕ್‌ಜಾವ್ನ್ ಫಿರ್ಗಜೆಂತ್ ಸರ್ವ್ ಸಂಗ್ತಿನಿಂ ನವಾಲಾಂ ಘಡ್ಲಿಂ. ಇಸ್ಕೊಲಾಚೊ 75 ವರ್ಸಾಂಚೊಜುಬ್ಲೆವ್‌ಕರುನ್, ಇಸ್ಕೊಲಾಕ್ ಸ್ಟೇಜಿಚೊ ಬಾಂದಾಪ್ ಉಬೆಂ ಕೆಲೆಂ. ಇಗರ್ಜ್ಜಾಗೊ ಮೊಲಾಕ್‌ಘೆವ್ನ್, ಖೆಳಾ ಮೈದಾನ್ ವಿಸ್ತಾರ್ ಕೆಲೆಂ. ಫಿರ್ಗಜೆಚ್ಯಾ ಲೊಕಾಚಿಗರ್ಜ್ ಸಮ್ಜೊನ್ ಲೊಕಾಕ್ ಮುಳಾವಿ ಸವಲತ್ಯೊ ಮೆಳಾಶೆಂ ಕೆಲೆಂ. ಫಿರ್ಗಜೆಚ್ಯಾಆರ್ಥಿಕ್ ವಾಡಾವಳಿಕ್ ಆಧಾರ್‌ಜಾವ್ನ್ 16 ಶೊಪಾಂ ಆಸ್ಚೆಂ ಸಂಕೀರ್ಣ್ಉಬರ‍್ಲೆ . ಕೃಷೆಚೊ ವಾವ್ರ‍್ಜಾವ್ನ್ಇಗರ್ಜೆಜಾಗ್ಯಾರ್ 400 ರಬ್ಬರ್‌ಜಾಡಾಂ ಲಾಯ್ಲಿಂ. ಇಗರ್ಜೆ ಮುಖಾರ್‌ಗ್ರೊಟ್ಟೊಉಬರ‍್ನ್ ಸೊಭಿತ್ ಪ್ರವೇಶ್ ವಾಟ್‌ಕರುನ್‌ಇಗರ್ಜೆಚಿಂ ಮುಖ್ಲಿಂ ಸೊಭಾಯ್‌ಚಡಯ್ಲಿಂ. ಫಿರ್ಗಜ್ ಲೊಕಾಚ್ಯಾ ವರ್ತಾ್ಯ ಮಿನತೆನ್‌ ಆಧಾರ್‌ ಜಾವ್ನ್ “ಸೌಹಾರ್ದ ಸಭಾ ಭವನ” ಉಬೆಂ ಕೆಲೆಂ. ಫಿರ್ಗಜೆಂತ್‌ಅರ್ಥಾಭರಿತ್‌ದೇವ್‌ಸ್ತುತಿ ಚಲವ್ನ್ ಸರ್ವ್ ಸಂಗ್ತಿನಿಂ ತರ್ಬೇತಿ ಮಾಂಡುನ್ ಹಾಡ್ಲಿಂ. ಫಿರ್ಗಜೆಚೆಂ ಸರ್ವ್ ಸಂಘ್ ಸಂಸ್ಥೆ ಜಿವಾಳ್ ಕರುನ್ ವಾವ್ರ್ ಭೆಟಯ್ಲೊ.ಫಿರ್ಗಜ್ ಆನಿ ಲೊಕಾಚಿ ದಿಶಾ ಬದ್ಲಿಲ್ಲೆಂ ಲೊಕಾ ಮೊಗಾಳ್ ವಿಗಾರ್‌ಜಾಂವ್ಕ್ ಪಾವ್ಲೆಂ.


ಬಾ| ವಾಲ್ಟರ್‌ಡಿಸೋಜಾ [30.05.2010 – 26.05.2011] 

ಬಾ|ವಾಲ್ಟರ್‌ದೇವ್‌ಸ್ತುತಿ ಕ್ರಿಯಾಳ್ ರ‍್ಚೆಂಖಾತಿರ್ ವ್ಯವಸ್ಥಿತ್ ರಿತಿನಿಂ ಮಾಂಡವಳ್ ಕರುನ್‌ಅತ್ಮಿಕ್‌ಥರಾನ್ ವಾವ್ರ್ ಭೆಟಯ್ಲೊ. 

ಯುವಜಣಾಂಕ್ ತರ್ಭೆತಿ ಆನಿ ಪ್ರೊತ್ಸಾಹ್ ದೀವ್ನ್ ಕ್ರೀಸ್ತಾoವ್ ಶಿಕ್ಶಾಣಾಂಕ್ ಚಡಿತ್ ಮಹತ್ವ್ ದಿಲಾಂ. ಕ್ರಿಸ್ಮಸ್ ಫೆಸ್ತಾ ವೆಳಾರ್ ಸರ್ವ್ ಧರ್ಮಾಂಚ್ಯಾ ಲೊಕಾಕ್ ಜೆಜುಚ್ಯಾ ಜಲ್ಮಾಚೊ ಸಂದೇಶ್ ಟ್ಯಾಬ್ಲೊ ಮುಖಾಂತ್ರ್ ಪ್ರದರ್ಶಿತ್ ಕೆಲಾಂ. ವಸ್ತೆಂ ಘರ್ ನವೀಕರಣ್, ಇಗರ್ಜೆಕ್ ಪಿಯೆಂವ್ಚಾ ಉದ್ಕಾಚಿ ವ್ಯವಸ್ಥಾ ಆನಿ ಜನರೆಟರ್ ವ್ಯವಸ್ಥಾ ಕೆಲಿ

ಬಾಪ್ ಗ್ರೆಗರಿ ಪಿರೇರಾ[26.05.2011 – 03.06.2018] 

ಬಾಪ್ ಗ್ರೆಗರಿ ಕ್ರಷಿಂತ್ ಚಡ್ ಅಸಕ್ತ್ ಆಸುನ್ ಉದ್ಕಾಚೊ ತತ್ವಾರ್ ಆಸ್ಲೆಲ್ಯಾ ಫಿರ್ಗಜೆಕ್ ನೆತ್ರಾವತಿ ನ್ಹಂಯ್ ಥಾವ್ನ್ ಉದಾಕ್ ಹಾಡ್ಚಿ ವ್ಯವಸ್ಥಾ ಕರ‍್ನ್ ಇಗರ್ಜೆಕ್ 500 ಮಾಡಿ ಲಾವ್ನ್ ಆಧಾಯ್ ಚಡಯ್ಲಾ. ಫಿರ್ಗಜೆಚೊ 75 ವರ್ಸಾಚೊ ಅಮ್ರತೋತ್ಸವ್ ಆಚರಣ್ ಕರುನ್ 2 ಕೊರೊಡಾಚೆ ಇಸ್ಕೊಲಾಚೆ ಭಾಂದಪ್ ಉಭರ‍್ನ್, ಇಂಗ್ಲಿಷ್ ಮಿಡಿಯಂ ಇಸ್ಕಾಲ್ ಆರಂಬ್ ರ‍್ನ್, ಸ್ಕೂಲ್ ಬಸ್ಸಾಚಿ ವ್ಯವಸ್ಥಾ ಕೆಲಿ. ಆದಿಂ ಥಾವ್ನ್ ಆಗ್ರಾರ್ ಫಿರ್ಗಜೆಚಾ ನಾಂವಾರ್ ಅಸ್ ಲ್ಲೊ ಜಾಗೊ ಆಮ್ಚ್ಯಾ ಫಿರ್ಗೆಜೆಚಾ ನಾಂವಾರ್ ರ‍್ನ್ ವಾವ್ರ್ ಭೆಟಯ್ಲಾಂ. ಸಾತ್ ವರ್ಸಾಂಚಾ ಸೆವೆ ವೆಳಾರ್ ಫಿರ್ಗಜೆಚಾ ಬರೆಪಣಾಂ ಖಾತಿರ್ ಆನಿ ಆಭಿವ್ರದ್ದೆ ಖಾತಿರ್ ವಾವ್ರ್ ಭೆಟವ್ನ್, ಫಿರ್ಗಜ್ ಜಿವಾಳ್ ಜಾಂವ್ಕ್ ವಾವರ್ಲ್ಯಾತ್.

ಬಾಪ್ ಫ್ರೆಡ್ರಿಕ್ ಮೊಂತೇರೊ (02.06.2018 - 03.06.2024)

ಬಾಪ್ ಫ್ರೆಡ್ರಿಕ್ ಮೊಂತೇರೊ ಲೊಕಾಚಾ ಆತ್ಮಿಕ್ ತಶೆಂಚ್ ಲೌಕಿಕ್ ಗರ್ಜಾಂಕ್ ಸದಾಂಚ್ ತಯಾರ್. ಫಿರ್ಗಜೆಚೆ ಸರ್ವ್ ಸಂಘ್-ಸಂಸ್ಥೆ ಜಿವಾಳ್ ಕರುನ್, ನವ್ಯಾನ್ ಸೆಕ್ಯುಲಾರ್ ಫ್ರಾನ್ಸಿಸ್ಕಾನ್ ಮೇಳ್, ಮಿಷನರಿ ಭುರ್ಗ್ಯಾಂಚೊ ಮೇಳ್ ಆರಂಭ್ ಕೆಲಾ. ಇಗರ್ಜೆಚಿ ಅರ್ಥಿಕ್ ಸ್ಥಿತಿ ಸುದ್ರಾಂವ್ಚ್ಯಾ ದ್ರಷ್ಟೆನ್ ಇಗರ್ಜೆಚ್ಯಾ ವಠಾರಾಂತ್ ಮಾಡಿ ಲಾವ್ನ್ ಪ್ರಸ್ತುತ್ ಸುಮಾರ್ 1500 ಮಾಡಿ ಜಾಯ್ಶೆಂ ಕೆಲಾ. 60 ವಯ್ರ್ ಮಾಡ್ ಲಾಯ್ಲ್ಯಾತ್. ಹರ‍್ಯೆಕಾ ವರ್ಸಾಂ ಜೂನ್ 13 ತಾರಿಕೆರ್ ಪಾತ್ರೊನಾಚೆ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುನ್, ಹರ‍್ಯೆಕಾ ಮಂಗ್ಳಾರಾ ನವೆನಾಚಿ ಸುರ್ವಾತ್ ಕೆಲ್ಯಾ. ಇಸ್ಕೊಲಾಕ್ ಚಡ್ ಮಹತ್ವ್ ದೀವ್ನ್, ಇಸ್ಕೊಲಾಕ್ ಕಂಪ್ಯೂಟರಾಂ, ದೋನ್ ನವಿಂ ಬಸ್ಸಾಂ ತಶೆಂಚ್ ಬಸ್ಸಾ ರಾಂವ್ಚ್ಯಾಕ್ ಪಾಕ್ಯಾಚೆಂ ವ್ಯವಸ್ಥಾ ಕೆಲ್ಯಾ.

ಫಿರ್ಗಜೆಚೆಂ ವ್ಹಡ್ ಯೋಜನ್ ಇಗರ್ಜ್ ನವೀಕರಣ್ ಆನಿ ಯಾಜಾಕಾಚೆಂ ನವೆಂ ವಸ್ತೆಂ ಘರಾಚೆಂ ಕಾಮ್ ತಶೆಂಚ್ ಸಿಮೆಸ್ತ್ರಿ ನವೀಕರಣ್ ಕರುನ್, ದಾನಿ ಆನಿ ಫಿರ್ಗಜ್ ಗಾರಾಂ ಥಾವ್ನ್ ದಾನ್ ಏಕ್ಟಾಯ್ ಕರ್ನ್ 5 ಕೊರೊಡಾಚೆಂ ಯೋಜನ್ ಪೊಂತಾಕ್ ಪಾವೊಯಿಲ್ಲಿ ಕೀರ್ತ್ ತಾಂಕಾ ಫಾವೊ ಜಾತಾ. ಹ್ಯಾ ಯೋಜನಾ ಸಾಂಗಾತಾ ಇಗರ್ಜೆಚೆಂ ಆನಿ ಇಸ್ಕೊಲಾಚಾ ಪರಿಸರಾಕ್ ನವೆಂ ರೂಪ್ ದಿಂವ್ಕ ಪಾವ್ಲ್ಯಾತ್.

ವಿಗಾರ್ ಬಾಪಾಂಚಾ ಮುಖೇಲ್ಪಣಾರ್ ತಶೆಂಚ್ ಫಿರ್ಗಜ್ ಗಾರಾಂಚಾ ಸಹಾಕಾರಾನ್ ಆನಿ ವಾವ್ರಾನ್ ಸೊಭಿತ್ ದೇವ್ ತೆಂಪ್ಲ್ ಆನಿ ಯಾಜಕಾಚೆಂ ನವೆಂ ವಸ್ತೆ ಘರ್ ಫೆಬ್ರೆರ್ 13, 2023 ವೆರ್ ಉಗ್ತಾವನ್ ಜಾಲಾ.


ಬಾಪ್ ರಾಬರ್ಟ್ ಡಿ ಸೋಜಾ [03.06.2024 -

ಫಿರ್ಗಜ್ ಲ್ಹಾನ್‌ತರೀ ಸಬಾರ್‌ದೇವ್ ಅಪವ್ಣಿಂ ಫುಲ್ಲ್ಯಾಂತ್. 8 ಯಾಜಕ್ ವಿವಿಧ್‌ ಜಾಗ್ಯಾನಿಂ ಮಿಸಾಂವ್ ವಾವ್ರ‍್ಕಕರ್ನ್ ಸಾತ್. ಎಕ್ಲೊ ಯಾಜಕಾಚ್ಯಾ ತರ್ಬೇತ್‌ಪಣಾರ್ ಅಸಾ. 13 ಧಾರ್ಮಿಕ್ ಭಯ್ಣಿಂ ಪಯ್ಶಿಲ್ಲ್ಯಾ ಗಾಂವಾಂನಿಂ ಸೆವಾ ದೀವ್ನ್ಅಸಾತ್. ದೊಗಾಂ ತರ್ಭೆತ್‌ ಘೆವ್ನ್ಅಸಾತ್.

ಪ್ರಸ್ತುತ್ ಫಿರ್ಗಜೆಂತ್ 201 ಕುಟ್ಮಾಅಸೊನ್ ಭಾವಾರ್ಥಿ ಲೋಕ್ ವಸ್ತಿ ಕರ್ನ್ ಅಸಾ. ಸೈಂಟ್‌ ಜೋಸೆಫ್‌ ಕ್ಲೂನಿ ಮೇಳಾಚ್ಯಾ ಧಾರ್ಮಿಕ್ ಭಯ್ಣ್ಯಾಂಚೆಂ ಕೊವೆಂತ್ ಅಸೊನ್ ಹಾಂಗಾಸರ್ ಪಾಂಚ್‌  ಧಾರ್ಮಿಕ್ ಭಯ್ಣಿಂ ಫಿರ್ಗಜೆಚ್ಯಾ ಸರ್ವ್ ಕಾಮಾಂನಿಂ ಸಹಕಾರ್ ದಿತಾತ್. ತಶೆಂಚ್ ಹೈಸ್ಕೂಲ್ ಆನಿ ಪ್ರೈಮರಿ ಇಸ್ಕೊಲಾಂತ್ ವಾವ್ರ‍್ಕಕರ್ನ್ ಅಸಾತ್.  ಫಿರ್ಗಜೆಂತ್ಲ್ಯಾ ಚಡಾವತ್ ಯವಜಣಾಂನಿಂ ಉಂಚ್ಲೆಂ ಶಿಕಾಪ್ ಜೊಡ್ಲಾಂ ಆನಿ ಜೊಡ್ತೆ ಆಸಾತ್. ಆನಿ ತಾಂಚ್ಯಾ ಫುಡಾರಾಖಾತಿರ್‌ ಗಲ್ಫ್ಂತ್ ವಾವ್ರ‍್ಕಕರ್ನ್ ಅಸಾತ್. ಗಾಂವಾಂತ್ ಕೃಷಿ, ಸ್ವ ಉದ್ಯೋಗ್ ಕರ್ನ್ ದಾದೊಸ್ಕಾಯೆಚೆಂ ಜೀವನ್ ಸರ‍್ತೆ ಅಸಾತ್.

ಅಶೆಂ ಅಲ್ಲಿಪಾದೆಂತ್ ಪವಿತ್ರ್ ಸಭಾ ವಿಸ್ತಾರ್‌ತ್ ಗೆಲಿ. ಭೋವ್ ಸಾದೊ, ಮೊಗಾಳ್, ಮಯ್ಪಾಸಿ, ಎಕಾಮೆಕಾ ಆದಾರ್ಸುನ್‌ ಆಪ್ಣಾ ಕಡೆ ಆಸ್‌ಲ್ಲೆಂ ಎಕಾಮೆಕಾ ವಾಂಟುನ್ ಘೆಂವ್ಚೊ ಉದಾರ್ ಮನಾಚೊ ಲೋಕ್ ಹಾಂಗಾಸರ್‌ ಜಿಯೆತಾ ಆನಿ ಪವಿತ್ರ್ ಸಭಾ ವಿಸ್ತಾರಾಂವ್ಚಾ ವಾವ್ರಾಂತ್ ಸಂಪೂರ್ಣ್ ಸಹಕಾರ್ ದಿತಾ, ದೆಕುನ್ ಸರ್ವೇಸ್ಪರಾನ್‌ ಆಮಾ ಸರ್ವಾಂಚೆರ್‌ ಉದಂಡ್ ಮಾಪಾನ್ ಬೆಸಾಂವಾo ಘಾಲ್ಯಾಂತ್. ತಾಕಾ ಜಾಂವ್ ಮಾನ್ ಆನಿ ಮಹಿಮಾ ಸದಾಂ ಸರ್ವಾದಾಂ.