OUR CHURCH

 Parish Priest's Message...

“It is good to give thanks to the Lord Indeed”

I thank the God Almighty for choosing me as worthy to serve him, at this miraculous Church which is dedicated to St Antony, the wonder worker. I feel privileged to serve here as the parish priest from 3rd June 2024.

St Antony Church, Allipade (Estd 05-09-1938) is blessed with 200 catholic families with about 915 people in the parish. The parish is rooted in its faith formation with its new church building and presbytery, which was blessed and inaugurated on 13-02-2023 by the Bishop of Mangalore. It is a clear witness for the Love and respect of the people towards the church. Various associations and 21 Commissions are actively working in the church.

I thank all the former parish priests, and lay leaders for their selfless services in building up their parish community. I look forward for the wholehearted support and co-operation of the people of Allipade in the days to come.

 

ST ANTONY PRAY FOR US

Thank you

REV.FR ROBERT DSOUZA

ಲ್ಲಿಪಾದೆ  ಫಿರ್ಗಜೆಚಿ ಚರಿತ್ರಾ - ಏಕ್ ನದರ್

ಪುರ್ವಿಲಿಂ ಚರಿತ್ರಾಂ...

ಬಂಟ್ವಾಳ್ ವಾರಾಡಾಂತ್ ಅಸ್ಚಿ ಅಲ್ಲಿಪಾದೆ ಫಿರ್ಗಜ್ ಅಗ್ರಾರ್ ಫಿರ್ಗಜೆಚೊ ವಾಂಟೊ. ಹಾಂಗಾಸರ್ ಇಗರ್ಜ್ ಸ್ಥಾಪಿತ್ ಜಾಂವ್ಚ್ಯಾ ಫುಡೆ ಲೋಕ್ ಆಪ್ಲ್ಯಾ  ಆತ್ಮಿಕ್ ಗರ್ಜಾಂ ಖಾತಿರ್ ಪಾಂಯ್ ವಾಟೆನ್ 10-12 ಮೈಲಾಂ ಚಲೊನ್ ಅಗ್ರಾರ್ ವೆತಾಲೊ. ಕ್ರಮೇಣ್ 1927 ಇಸ್ವೆಂತ್ ಆಗ್ರಾರ್‌ಚೊ ವಿಗಾರ್ ಬಾ|ರೆಜಿನಾಲ್ಡ್ ಪಿಂಟೊನ್ ಹಾಂಗಾಸರ್ ಇಸ್ಕೊಲ್ ಬಾಂದ್ಲೆ ಆನಿ ಇಸ್ಕೊಲಾಂತ್ ಮೀಸ್ ಭೆಟಂವ್ಕ್ ಆರಂಭ್ ಕೆಲೆಂ. 1938 ಸಪ್ಟೆಂಬರ್ 5ವೆರ್ ತವಳ್ಚೊ ಭಿಸ್ಪ್ ಆ|ಮಾ|ದೊ|ವಿಕ್ಟರ್ ಫೆರ್ನಾಂಡಿಸ್ ಹಾಂಚ್ಯಾ ಮುಖೇಲ್ಪಣಾರ್ ಅಲ್ಲಿಪಾದೆಂತ್ ಸಾಂ. ಅಂತೊನಿಚಿ ಫಿರ್ಗಜ್ ಸ್ಥಾಪನ್ ಜಾಲಿ. 

 1939-2023 ಪರ್ಯಾಂನ್  13 ವಿಗಾರಾಂನಿಂ ನಿಸ್ವಾರ್ಥ್ ಸೆವಾ ಭೆಟವ್ನ್ ಫಿರ್ಗಜ್ ಲೊಕಾಚ್ಯಾ ಉದರ್ಗತೆ ಖಾತಿರ್ ಕಾರಣ್ ಜಾಲ್ಯಾಂತ್. ಕ್ರೀಸ್ತಿ ಲೊಕಾಚೊ ಭಾವಾರ್ಥ್ ಥಿರ್ ಕೆಲಾ. 1939 ಇಸ್ವೆಂತ್ ಅಲ್ಲಿಪಾದೆ ಫಿರ್ಗಜೆಚೊ ಪಯ್ಲೊ ವಿಗಾರ್ ಬಾ|ಲೂವಿಸ್ ಫುಡ್ತಾದೊ ಬಾಪಾಂನಿಂ ಮೀಸ್ ಭೆಟಂವ್ಕ್ ಲ್ಹಾನ್‌ಚೊ ಗೊಂವೊಂಳ್ ಬಾಂದ್ಲೊ.  ನವಿಂ ಇಗರ್ಜ್ ಬಾಂದ್ಚೆಂ  ಯೋಜನ್ ರೂಪಿತ್ ಕೆಲೆಂ, ಸಾಹೆತ್ ತಯಾರ್ ಕರ್ನ್ 6 ವರ್ಸಾಂನಿಂ ನವಿಂ ಇಗರ್ಜ್ ಉಬರ‍್ಲಿಂ. 

ಫಿಗರ್ಜೆಚಿ  ಅತ್ಮಿಕ್ ವಾಂಡಾವಳ್:

 ಫಿರ್ಗಜೆಂತ್ ಸೆವಾ ದಿಲ್ಲ್ಯಾ 13 ವಿಗಾರಾಂನಿ ಫಿರ್ಗಜೆಚಾ ಅತ್ಮಿಕ್ ವಾಂಡಾವಾಳೆ ಖಾತಿರ್ ನಿಸ್ವಾರ್ಥಿ ಸೆವಾ ಭೆಟಯ್ಲ್ಯಾ. ಕ್ರೀಸ್ತಿ ಲೊಕಾಚೆ ಭಾವಾರ್ಥಿ ಥಿರ್ ಕೆಲಾ, ಆತ್ಮಿಕಾತೆಚೊ ಪರ್ಮಳ್ ಲೊಕಾಚಾ ಕಾಳ್ಜಾನಿ ಭರ‍್ಚೆಂ ಕಾಮ್ ಫಳಾಧಿಕ್ ಪಣಿಂ ಸಂಪಯ್ಲಾಂ. ಫಿರ್ಗಜ್ ಏಕ್ ಬಳಾಧಿಕ್ ಸಮುದಾಯ್ ಜಾವ್ನ್ ಭಾಂದುನ್ ಹಾಡ್ಲಾ, ವಾಡ್ಲಾ ಆನಿ ಥಿರ್ ಉರ‍್ಲಾಂ.  ಹರ‍್ಯೆಕ್ ವಿಗಾರ್ ತಾಂಚಾ ದೆಖಿಭರಿತ್ ಜಿಣ್ಯೆಂ ವರ್ವಿಂ ಲೊಕಾಚಾ ಕಾಳ್ಜಾಂ ಮನಾನಿಂ ಆಮರ್ ಜಾವ್ನ್ ಉರ್ಲ್ಯಾತ್. ಹಾಚೊ ಫಳ್ ಜಾವ್ನ್, ಫಿರ್ಗಜೆಂತ್ಲೆಂ  ಸಬಾರ್ ದೇವ್ ಅಪವ್ಣಿಂ ಫುಲ್ಲ್ಲ್ಯಾಂತ್ ಆನಿ ಪ್ರಸ್ತುತ್ ಜಾಯ್ತೆಂ ಯಾಜಕ್ ಆನಿ ಧಾರ್ಮಿಕ್ ಭಯ್ಣಿಂ ಪಯ್ಶಿಲ್ಯಾ ಗಾಂವಾಂನಿಂ ಸೆವಾ ದೀವ್ನ್ ಅಸಾತ್.  ಅಲ್ಲಿಪಾದೆ ಫಿರ್ಗಜೆಂತ್ 200 ಕುಟ್ಮಾಂ ಅಸೊನ್, ಭಾವಾರ್ಥಿ ಲೋಕ್ ವಸ್ತಿ ಕರ್ನ್ ಅಸಾತ್. ಫಿರ್ಗಜೆಂತ್ಲ್ಯಾ ಚಡಾವತ್ ಯುವಜಣಾನಿಂ ಊಂಚ್ಲೆ ಶಿಕಾಪ್ ಜೊಡ್ಲಾಂ. ಥೊಡೆ ಜಣ್ ಗಲ್ಫ್ ರಾಷ್ಟ್ರಾನಿಂ ವಾವ್ರ್ ರ‍್ನ್ ಫುಡಾರ್ ಭಾಂದುನ್ ಅಸಾತ್. ಗಾಂವಾಂತ್ ಕೃಷಿ, ಸ್ವ-ಉದ್ಯಮ್ ರ‍್ನ್ ಥೊಡೆಂ ಜಣ್ ತಾಂಚೊ ಫುಡಾರ್ ರೂಪಿತ್ ಕೆಲಾಂ. ಅಲ್ಲಿಪಾದೆ ಗಾಂವ್ಚೊ ಲೋಕ್ ಭೋವ್ ಸಾಧೊ ಮೊಗಾಳ್, ಮಯ್ಪಾಸಿ ಎಕಾಮೆಕಾ ಆಧರ‍್ಸುನ್, ಸುದಾರ್ಸುನ್ ಅಪ್ಣಾಂ ಕಡೆಂ ಅಸ್‌ಲ್ಲೆಂ ಎಕಾಮೆಕಾ ಥಂಯ್ ವಾಂಟುನ್ ಘೆಂವ್ಚೊ ಉದಾರ್ ಮನಾಚೊ ಲೋಕ್ ಹಾಂಗಾಸರ್ ಜಿಯೆತಾ.

ಫಿರ್ಗಜೆಚೆಂ ಸಂಘ್ ಸಂಸ್ಥೆ: 

ಫಿರ್ಗಜೆಂತ್ ಸೆವಾ ದಿಲ್ಲ್ಯಾ 13 ವಿಗಾರಾಂನಿ ಫಿರ್ಗಜ್ ಜಿವಾಳ್ ಕರ್ಚ್ಯಾ  ಇರಾದ್ಯಾನ್ ಫಿರ್ಗಜೆಂತ್  ಸರ್ವ್ ಸಂಘ್-ಸಂಸ್ಥೆ  ಆಸಾ ಕರುನ್ ಲೊಕಾಕ್ ಸಾಂಗಾತಾ ಹಾಡ್ಲಾಂ. ಫಿರ್ಗಜೆಚಾ ಭುರ್ಗ್ಯಾಂ ಖಾತಿರ್ ಬಾಳೊಕ್ ಜೆಜುಚೊ ಮೇಳ್, ಚಲಿಯಾಂಕ್ ಮರಿಯಾಳ್ ಸೊಡೆಲಿಟಿ ಆನಿ ಚಲ್ಯಾನಿಂ ವೆದಿಂ ಸೆವಕ್ ಜಾವ್ನ್ ಸೆವಾ ಭೆಟಂವ್ಕ್ಅವ್ಕಾಸ್ ಅಸಾ ಕೆಲಾ. ಪಿಯುಸಿಚಿಂ ಭುರ್ಗ್ಯಾಂಕ್  ವೈಸಿಎಸ್, ಆನಿ ಯುವಜಣಾಂಕ್  ಐಸಿವೈಎಮ್ ಸಂಘಟನಾ ಥಾವ್ನ್ ಸರ್ವತೋಮುಖ್ ಅಭಿವೃದ್ಧೆಕ್ ಅವ್ಕಾಸ್ ಲಾಭ್ಲಾಂ. ಕಥೊಲಿಕ್ ಸಭೆನ್ ಸಾಮಾಜಿಕ್ ಕಾರ್ಯಿಂ ಆನಿ ಜಾಣ್ತಿಕಾಯೆಚಿ ಜಾಗೃತಿ ಉಠಯ್ತಾನಾ ಸಾಂ.ವಿಶೆಂತ್ ಪಾವ್ಲ್ ಸಭೆ ಥಾವ್ನ್ ಗರ್ಜೆವಂತಾಂಚ್ಯಾ ಗರ್ಜಾಂಕ್ ಪಾವೊನ್ ಆಧಾರ್ ದಿಲಾಂ. ಸೆಕ್ಯುಲರ್ ತಿಸ್ರಿ ಓಡ್ದಿ ಮುಖಾಂತ್ರ್ ಸಾಂದೆ ಆತ್ಮಿಕ್ ರಿತಿನ್ ಬರೆಪಣ್ ಜೊಡ್ತಾತ್, ತರ್ ಸ್ರಿ-ಸಂಘಟನ್  ಸ್ತ್ರೀಯಾಂಕ್ ಧೈರಾಧಿಕ್ ಆನಿ ಮುಖೇಲ್ಪಣ್ ಘೆಂವ್ಕ್ ತಯಾರ್ ರ‍್ತಾನಾ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಪವಿತ್ರ್ ಸಭಾ ಜಿವಾಳ್ ಆನಿ ಕ್ರಿಯಾಳ್ ಜಾಂವ್ಕ್ ಆಧಾರ್ ದೀವ್ನ್ ಅಸಾತ್. ಪ್ರಸ್ತುತ್ ಗೊವ್ಳಿಬಾಪಾಂಚಾ ಅದೇಶಾ ಪರ್ಮಾಣೆ ಫಿರ್ಗಜೆಂತ್ 18 ಅಯೋಗ್ ಆಸಾ ಕರುನ್ ವಾವ್ರ್ ಭೆಟಯ್ತಾತ್.

ಆರ್ಥಿಕ್ ವ್ಹಡಾವಳ್:

ಫಿರ್ಗಜೆಚೆಂ ಆರ್ಥಿಕ್ ವ್ಹಡಾವಳೆ ಖಾತಿರ್ ಸಬಾರ್ ಯೋಜನಾಂ ರೂಪಿತ್ ಕರುನ್ ಅಲ್ಲಿಪಾದೆ ಫಿರ್ಗಜೆಂತ್ ಸೆವಾ ದಿಲ್ಲ್ಯಾ ಸರ್ವ್ ವಿಗಾರಾಂನಿ ಹ್ಯಾ ದಿಶೆನ್ ವಾವ್ರ್ ಭೆಟಯ್ಲಾ. ಬಾಪ್ ಗ್ರೆಗರಿ ಪಿರೇರಾ ಹಾಂಣಿ  500 ಮಾಡಿಯೆ ಲಾವ್ನ್  ಆರಂಭ್ ಕೆಲ್ಲಿ ಕ್ರಷಿ, ಬಾಪ್ ಫ್ರೆಡ್ರಿಕ್ ಮೊಂತೇರೊ ಹಾಂಚ್ಯಾ ಆವ್ದೆಂತ್ ಸುಮಾರ್ 2000 ಮಾಡಿ ಆನಿ ಮಾಡ್ ಲಾವ್ನ್ ಕ್ರಷಿ ಮುಖಾಂತ್ರ್ ಫಿರ್ಗಜೆಚೊ ಆದಾಯ್ ಚಡಯ್ಲಾಂ. ಫಾವೊತೆಂ ಉದಾಕ್ ಮೆಳಾಂ ನಾತ್‌ಲ್ಲೆಂ ವರ್ವಿಂ ನೇತ್ರಾವತಿ ನ್ಹಂಯ್ ಥಾವ್ನ್ ಉದಾಕ್ ಹಾಡ್ಚೆಂ ಯೋಜನ್ ಯಶಸ್ವಿನ್ ಪೊಂತಾಕ್ ಪಾವಯ್ಲೆಂ. ಬಾಪ್ ಲಾರೆನ್ಸ್ ಮಸ್ಕರೇನಸ್ ಹಾಂಣಿ  ಸಭಾಸಾಲ್ ಆನಿ ವಾಣಿಜ್ಯ್ ಸಂಕೀರ್ಣ್ ಉಬರ‍್ಲೆಂ ಆನಿ ಫಿರ್ಗಜೆಚೊ ಆದಾಯ್ ಚಡಯ್ಲೊ.

ಸಾಮಾಜಿಕ್ ವ್ಹಡಾವಳ್:

1967 ಇಸ್ವ್ಂತ್ ಬಾಪ್ ಮೈಕಲ್ ಪಿರೇರಾ ವಿಗಾರ್ ಜಾವ್ನ್ ಆಸ್ತಾನಾ ಲೋಕ್ ಖಾಣಾ ಜೆವ್ಣಾ ಖಾತಿರ್ ಕಷ್ಟತಾನಾ ಭಾಯ್ರ್ ಥಾವ್ನ್ ಗೋಂವ್ ಹಾಡುವ್ನ್ ವಾಂಟುನ್ ಗರ್ಜೆಕ್ ಪಾವೊಂವ್ಕ್ ಸಾಧ್ಯ್ ಜಾಲಾ 1982 ಇಸ್ವೆಂತ್ ಬಾಪ್ ಮಾರ್ಕ್ ವೇಗಸ್ ಹಾಂಣಿ ಅಲ್ಲಿಪಾದೆಕ್ ತಶೆಂಚ್ ಸಗ್ಳ್ಯಾ ಗಾಂವಾಕ್ ವೀಜ್ ಸಕತ್ ಹಾಡಯಿಲ್ಲಿ ಕೀರ್ತ್ ತಾಂಕಾಂ ಫಾವೊ ಜಾತಾ.  ಬಾಪ್ ಅಲ್ಬನ್ ಡಿಸೋಜಾ  ಹಾಂಣಿ ಸಿ.ಒ.ಡಿ.ಪಿ. ಮುಖಾಂತ್ರ್ ಅವಯ್ - ಭುರ್ಗ್ಯಾಚೆಂ ಯೋಜನ್ ಕಾರ್ಯಕ್ರಮ್ ಅನುಷ್ಟಾನ್ ಕರುನ್ ಫಾದರ್ ಮುಲ್ಲರ್ ಆಸ್ಪತ್ರೆ ಮಾರಿಫಾತ್ ಹಳ್ಳೆಚ್ಯಾ ಲೊಕಾ ಖಾತಿರ್ ವೈದ್ಯಕೀಯ್ ಯೋಜನ್ ಮಾಂಡುನ್ ಹಾಡ್‌ಲ್ಲೆಂ. ಬಾಪ್ ಲಾರೆನ್ಸ್ ಮಸ್ಕರೇನಸ್ ಹಾಂಚಾ ಅವ್ದೆಂತ್, ಕ್ರೀಸ್ತಿ ಲೊಕಾಕ್ ಮುಳಾವ್ಯೊ ಗರ್ಜೊಂ ಮ್ಹಣ್ಜೆಂ ಘರಾ ಬಾಂದುಂಕ್, ರಸ್ತೊ ನಿರ್ಮಾಣ್, ಶಿಕ್ಪಾಕ್ ಕುಮೊಕ್, ಪಿಡೆಸ್ತಾಂಕ್ ಕುಮೊಕ್ ಇತ್ಯಾದಿ ಯೋಜನಾ ರೂಪಿತ್ ಕರ‍್ನ್ ಆಧಾರ್ ದಿಲಾಂ. 

ಶೈಕ್ಷಣಿಕ್  ವ್ಹಡಾವಳ್: 

1927 ಜುಲೈಚಾ 30ವೆರ್ ಸಾಂ. ಜುವಾಂವ್ಕ್ ಸಮರ್ಪಿಲ್ಲೆ  ಕನ್ನಡ ಮಾಧ್ಯಮ್ ಇಸ್ಕೊಲ್ ಆರಂಭ್ ಜಾಲೆಂ. ಕೊಲ್ವಾಚ್ಯಾ ಪಾಕ್ಯಾ ಥಾವ್ನ್ ಆರಂಭ್ ಜಾಲ್ಲೆಂ ಇಸ್ಕಾಲ್ ಅತಾಂ ಹಂತಾ ಹಂತಾಕ್ ಪ್ರಗತೆನ್ ಚಡತ್ ವಾಡಾತ್ತ್ ಆಯ್ಲಾಂ.  2015 ಇಸ್ವೆಂತ್ ಬಾಪ್ ಗ್ರೆಗರಿ ಪಿರೇರಾ ಹಾಂಚ್ಯಾ ಮುಖೇಲ್ಪಣಾರ್ ಇಸ್ಕೊಲಾಕ್ ನವೆಂ ಭಾಂದಪ್ ಉಬಾರುನ್, ಸಾಂ. ಅಂತೊನ್ ಇಂಗ್ಲೀಷ್ ಮಾಧ್ಯಮ್ ಇಸ್ಕಾಲ್ ಆರಂಭ್ ಕೆಲೆ  ಕ್ರಮೇಣ್ ಭುರ್ಗ್ಯಾಂಚೊ ಸಂಖೊ ವಾಡ್ ಲ್ಲ್ಯಾಂನ್ ಬಾಪ್ ಫ್ರೆಡ್ರಿಕ್ ಮೊಂತೇರೊ ಹಾಂಣಿ  ಇಸ್ಕೊಲಾಕ್ 2 ಬಸ್ಸಾಂ  ಘೆವ್ನ್ ತಶೆಂಚ್ ಸಬಾರ್ ಸವಲತ್ಯೊ ಅಸಾ ಕರುನ್ ಸರ್ವ್ ಧರ್ಮಾಂಚ್ಯಾ ಭುರ್ಗ್ಯಾಂಕ್ ಶಿಕಾಪ್ ದೀವ್ನ್ ಬರಿಂ ಸಮಾಜ್ ರೂಪಿತ್ ಕರ‍್ಚೆಂ ಕುಶಿನ್ ಮೆಟಾಂ ಕಾಡುನ್ ಅಸಾತ್. 

ಫಿರ್ಗಜೆಂತ್ಲೆ ಧಾರ್ಮಿಕ್ ಸಂಸ್ಥೆ: 

 ಬಾಪ್ ಅಲೆಕ್ಸಾಂಡರ್ ಲೋಬೊ ಹಾಂಣಿ ಫಿರ್ಗಜ್ ಲೊಕಾಂಚ್ಯಾ ಬರ‍್ಯಾಪಣಾ ಖಾತಿರ್  ಸಿಸ್ಟರ್ಸ್ ಆಫ್ ಸೈಂಟ್ ಜೋಸೆಫ್ ಆಫ್ ಕ್ಲೂನಿ ಮೆಳಾಚೆ ಕೊವೆಂತ್ ಹಾಂಗಾಸರ್ ಸ್ಥಾಪನ್ ಕೆಲೆ. ಹೈಸ್ಕೂಲ್ ನಾತ್ ಲ್ಲ್ಯಾ ಹ್ಯಾ ಗಾಂವಾಂತ್ ಸರ್ವ್ ಭುರ್ಗ್ಯಾಂನಿಂ ತಾಂಚೊ ಶಿಕಾಪ್ ಅರ್ಧಾ್ಯರ್ ರಾವಾಯ್ನಾಸ್ತಾನಾ ಮುಖರ‍್ಸುನ್ ವರ‍್ಚೆಂ ಖಾತಿರ್ ಹೈಸ್ಕೂಲ್ ಆರಂಭ್ ಕರ‍್ನ್ ತೆಂ ಚಲೊಂವ್ಕ್ ಸಿಸ್ಟ್ರಾಂಚ್ಯಾ ತಾಬೆನ್ ದಿಲೆಂ. ಧಾರ್ಮಿಕ್ ಭಯ್ಣಿಂ, ಹೈಸ್ಕೂಲ್ ತಶೆಂಚ್ ಇಗರ್ಜೆಚಾ ಫ್ರೆöÊಮಾರಿ ಇಂಗ್ಲಿಷ್ ಮಾಧ್ಯಮ್ ಇಸ್ಕೊಲಾಂತ್ ಸೆವಾ ದಿತೆ ಆಸಾತ್.

ಫಿರ್ಗಜ್ ಯೋಜನ್:

ಬಾಪ್ ಫ್ರೆಡ್ರಿಕ್ ಮೊಂತೇರೊ ಹಾಂಚಾ ಮುಖೇಲ್ಪಣಾರ್ ಇಗರ್ಜ್ ನವೀಕರಣ್ ಆನಿ ಯಾಜಕಾಚೆಂ ನವೆಂ ವಸ್ತೆಂ ಘರಾಚೆಂ ಯೋಜನ್ ಗೊವ್ಳಿ ಬಾಪಾಂಚಾ ಮಂಜೂರಾತೆನ್ ಹಾತಿಂ ಘೆತ್ಲೆಂ. ಹ್ಯಾ ಖಾತಿರ್  ಕಾರ್ಯಾಳ್ ಆನಿ ಕ್ರಿಯಾಳ್ ಆಸ್ಚ್ಯಾ 25 ಜಣಾಂಚಿ ಬಾಂದ್ಪಾ ಸಮಿತಿ ರಚುನ್ , 2019 ಜೂನ್ 13ವೆರ್ ತಾರಿಕೆಚಾ ಫೆಸ್ತಾ ದಿಸಾ ವಿಗಾರ್ ಜೆರಾಲ್ ಬಾಪಾಂನಿ ಬುನ್ಯಾದ್ ಫಾತರ್ ಬೆಂಜಾರ್ ಕರ್ನ್ ಯೋಜನಾಕ್ ಸುರ್ವಾತ್ ದಿಲಿ. ಸಭಾಸಾಲಾಂತ್ ಸವಿಸ್ತಾರ್ ಜಾಗ್ಯಾಕ್ ಇಗರ್ಜೆಚೆಂ ರೂಪ್ ದೀವ್ನ್ ಮೀಸ್ ಆನಿ ಅತ್ಮಿಕ್ ಕಾರ್ಯೆಂ ಸಂಭ್ರಮುಂಕ್ ಅವ್ಕಾಸ್ ಕೆಲೊ ಆನಿ ಉರ್ ಲ್ಲ್ಯಾ ಜಾಗ್ಯಾಂತ್ ವಿಗಾರಾಚಾ ವಸ್ತೆಕ್, ದಫ್ತರಾಕ್, ಕುಜ್ನಾಕ್, ಜೆವ್ಣಾ ಸಾಲಾಕ್ ತಶೆಂಚ್ ಸಭಾ ಸಾಲಾಕ್‌ಯಿ ವ್ಯವಸ್ಥಾ ಕೆಲಿ. ಫಿರ್ಗಜ್ ಗಾರಾಂಚಾ ಸಹಕಾರಾನ್ ವಾವ್ರ್ ಉರ್ಭೆನ್ ಜಾಲೊ ಪೂಣ್ 2020 ವರ್ಸಾಂತ್ ಕೋವಿಡ್ ಮಹಾಪಿಡೆ ವರ್ವಿಂ ಯೋಜನಾಚಾ ವಾವ್ರಾಚೆರ್ ಪ್ರಭಾವ್ ಪಡೊನ್ ಕಾಮ್ ಮುಂದರುನ್ ವ್ಹರುಂಕ್ ಅಡ್ಸಣಿ ಜಾಲ್ಲಿ, ತರ್‌ಯಿ ಉದಾರ್ ಮನಾಚಾ ಆನಿ ಫಿರ್ಗಜ್‌ಗಾರಾಂಚಾ ಆಧಾರಾ ವರ್ವಿಂ ವಾವ್ರ್ ನಿರಂತರ್ ಚಾಲು ದವರುಂಕ್ ಸಾಧ್ಯ್ ಜಾಲೆಂ. ಥೊಡ್ಯಾ ಫಿರ್ಗಜ್‌ಗಾರಾಂನಿಂ ರೂಕ್ ಆನಿ ವಸ್ತುಂ ದಾನ್ ದೀವ್ನ್,  ಯೋಜನಾ ಪಾಟ್ಲ್ಯಾನ್ ಕುಟ್ಮಾ ಲೆಕಾನ್ 46 ಸರ್ತ್ಯೊ ಕೆಲ್ಯಾತ್. ತಾಂಕಿ ಪರ್ಮಾಣೆಂ ದಾನ್ ನ್ಹಯ್ ಅಸ್ತಾಂ ಮಹಿನ್ಯಾಚೆ ಉರೊವ್ಣಿ, ಕುಟ್ಮಾಕ್ ಏಕ್ ಡೊನೇಶನ್ ಬೂಕ್, ಏಕ್ ಉರೊವ್ಣೆಚೊ ಕಂರ್ಡ, ವಾಡ್ಯಾಚೆ ನಿರಂತರ್ ಸೆವೆ ಮಾರಿಫಾತ್  ಖಳ್ಮಿತ್ ನಾಸ್ತಾನಾ ವಾವ್ರ್ ಚಲವ್ನ್ ವ್ಹರುಂಕ್ ಸಾಧ್ಯ್ ಜಾಲಾಂ. ಫಿರ್ಗಜೆಚೆಂ ಹೆಂ ಯೋಜನ್ ಪ್ರಗತೆರ್ ಅಸ್ತಾನಾಂಚ್ ಅಲ್ಪ ಸಂಖ್ಯಾತ್ ಇಲಾಖೆ ಥಾವ್ನ್ ಸಿಮೆಸ್ತ್ರಿಕ್, ಇಸ್ಕೊಲಾಕ್ ಆನಿ ಇಗರ್ಜೆಕ್ ಕಂಪೌಂಡ್ ಭಾದುಂಕ್ ಅನುದಾನ್ ಮೆಳ್‌ಲ್ಲೆಂ ವರ್ವಿಂ ಸಿಮೆಸ್ತ್ರ್ ನವೀಕರಣ್, ಇಸ್ಕೊಲಾಕ್ ಕಂಪೌಂಡ್, ಇಗರ್ಜೆಕ್ ಕಂಪೌಂಡ್ ಯೋಜನಾಚಾ ಕಾಮಾಂ ಸಾಂಗಾತಾಚ್ಚ್ ಕರುಂಕ್ ಅವ್ಕಾಸ್ ಜಾಲೊ. ಪರಿಣಾಮ್ ಜಾವ್ನ್ ವ್ಹಡ್ ಮಜ್ಭೂತ್ ಇಗರ್ಜ್, ಸೊಭಿತ್ ಅಲ್ತಾರ್, ಏಕ್‌ಚ್ ವ್ಹಡ್ ಫ್ಯಾನ್, ದಿಂಬ್ಯೆ ಬಾಂಕ್, ಚೊವ್ದಾ  ಖುರ್ಸಾಂ ವಾಟೆಚಿ ತೆಸಾವಾಂ, ವೀಸ್ ಮಿಸ್ತೆರ್, ತೆರಾ ಅಜಾಪಾಂ, ಇಗರ್ಜೆ ಭಿತರ್ ನವ್ಯಾನ್ ಸರ್ವ್ ವ್ಯವಸ್ಥಾ, ವಿಸ್ತಾರ್ ಸಾಕ್ರಿಸ್ತ್, ಇಮಾಜ್ಯೊ, ಯಾಜಕಾಚೆಂ ನವೆಂ ವಸ್ತೆಂ ಘರ್, ದಫ್ತರಾಂ, ವಯ್ರ್ ಮೀಟಿಂಗ್ ಹೊಲಾಂ, ಸಾಂತ್ ಅಂತೊನ್ ಆನಿ ಮರಿಯೆ ಮಾಯೆಚೊ ದೋನ್ ನವೆಂ ಗ್ರೊಟ್ಟೆ, ಹೈಮಾಸ್ಟ್ ಲೈಟ್ಸ್, ಸುಸಜ್ಜಿತ್ ಪಾರ್ಕಿಂಗ್ ವ್ಯವಸ್ಥಾ, ಶೌಚಾಲಯ್, ಸೋಲಾರ್ ಲೈಟಿಂಗ್ಸ್, ಸಗ್ಳ್ಯಾ ಪರಿಸರಾಕ್ ಸಿ.ಸಿ.ಕ್ಯಾಮೆರಾ, ಇಗರ್ಜೆಚೊ ರಸ್ತೊ ಕಾಂಕ್ರೀಟಿಕರಣ್, ಸಗ್ಳ್ಯಾ ಅಂಗ್ಣಾಕ್ ಆನಿ ಸಿಮೆಸ್ತ್ರಿಚ್ಯಾ ವಾಟೆಕ್ ಇಂಟರ್ ಲಾಕ್ಸ್, ವ್ಯವಸ್ಥಿತ್ ಥರಾನ್ ಉದ್ಕಾಚಿ ಸವ್ಲತಾಯ್, ಇಗರ್ಜೆ ಮುಖ್ಲ್ಯಾನ್ ಸಕಯ್ಲ್ ಕುಂದ್ಯಾಕ್ ಆರ್ಕ್, ದೆಗೆನ್ ಸೊಭಾಯೆಕ್ ಮಾಡಿಯೊ, ವಸ್ತೆಂ ಘರಾಚಾ ಪಾಟ್ಲ್ಯಾನ್ ಭಾಯ್ರ್ ರಾಂದ್ಪಾಕ್ ಅವ್ಕಾಸ್ ಅಸಲೊ ಸಂಪೂರ್ಣ್ ವಾವ್ರ್ ಜಾಲಾ.

ಮಾ/ಬಾ/ ಫ್ರೆಡ್ರಿಕ್ ಮೊಂತೇರೊ ಹಾಂಚಾ ಸಕಾಲಿಕ್ ಚಿಂತಾಪ್, ಜೊಕ್ತೆಂ ಮಾರ್ಗದರ್ಶನ್ ಆನಿ  18 ಸಮಿತೆಚಾ ಸರ್ವ್ ಸಾಂದ್ಯಾಂಚೆ ಕ್ರಿಯಾಳ್ ಮೆತರ‍್ಪಣ್ ನಿರಂತರ್ ಸಹಕಾರ್ ಆನಿ ಆಧಾರಾನ್ ಫಿರ್ಗಜ್ ಲೊಕಾಚೆ ದಾನ್, ಸೆವಾ ಆನಿ ಪರಿಶ್ರಮಾನ್, ಬಾಯ್ಲ್ಯಾ ಉದಾರ್‌ಮನಾಚಾ ದಾನಿಂಚಾ ಸಹಕಾರನ್ ಸರ್ವೇಸ್ಪರಾಚಾ ಬೆಸಾಂವಾನ್, ಮರಿ ಮಯೆಚಾ ಆಧಾರಾನ್ ಆನಿ ಸಾಂತ್ ಅಂತೊನಿಚಾ ಮಜತಿನ್ ಹೆಂ ವ್ಹಡ್ ಯೋಜನ್ ಪೊಂತಾಕ್ ಪಾವವ್ನ್ 2023 ಫೆಬ್ರೆರ್ 13 ತಾರಿಕೆರ್ ನವೀಕೃತ್ ದೇವ್ ಮಂದಿರ್ ಆನಿ ವಿಗಾರಾಚೆಂ ನವೆಂ ವಸ್ತೆಂ ಘರ್ ಸಂಭ್ರಮಾನ್ ಉಗ್ತಾವಣ್ ಕರ್ಚೆಂ ವರ್ತೆಂ ಭಾಗ್ ಆಮ್ಕಾಂ ಅಲ್ಲಿಪಾದೆ ಫಿರ್ಗಜ್‌ಗಾರಾಂಕ್ ಫಾವೊ ಜಾಲಾಂ.